Ресей Федерациясының Түркиядағы Елшілігі Түркияның Сыртқы істер министрлігіне Ресей азаматтарына Turkish Airlines авиакомпаниясының Латын Америкасына рейстерге отырудан бас тарту жағдайларының жиілеуіне байланысты нота жіберді.

Ресей СІМ ресми өкілі Мария Захарованың айтуынша, бұл өтініш түрік тарапынан мұқият зерттелген.

Мария Захарова сонымен қатар Ресейдің Ыстамбұлдағы Бас консулдығының ақпаратына сәйкес, Turkish Airlines авиакомпаниясының Ресей азаматтарын Ыстамбұлдан Латын Америкасы елдеріне рейстерге отырғызудан бас тартуы осы елдердің аумағына кіру ережелерімен байланысты екенін түсіндірді. Сондықтан авиатасымалдаушы ұшуларды ұйымдастыру кезінде Халықаралық Азаматтық авиация ұйымының (ИКАО) ережелерін және тасымалдау жүзеге асырылатын елдің заңдарын басшылыққа алады.