Шу ҳафта Қозоғистон Республикаси Саноат ва қурилиш вазири Канат Шарлапаев ҳукуматда бўлиб ўтган учрашувда 2024 йилда уй-жой қурилишини ривожлантириш учун 1 триллион тенгедан ортиқ маблағ ажратилганини айтди.

Фақат 5 йил ичида ушбу соҳага 12 триллион тенгедан ортиқ сармоя киритилди ва 78,5 миллион квадрат метрга яқин янги уй-жойлар фойдаланишга топширилди. Натижада 695 минг оиланинг турмуш шароити яхшиланди.

«2030 йилга келиб, барча молиялаштириш манбаларидан яна 111 миллион квадрат метр уй-жой қуриш ва 1 миллиондан ортиқ оилани янги уй-жой билан таъминлаш режалаштирилган», — деди вазир.

Бундан ташқари, Канат Шарлапаев ҳукуматга тошқиндан зарар кўрган фуқароларни уй-жой билан таъминлаш чоралари тўғрисида хабар берди.