Ўзбекистон Республикаси Қишлоқ хўжалиги вазири Иброҳим Абдураҳмонов Самарқанд Қишлоқ хўжалиги инновациялари ва тадқиқотлари институти ўқув маркази ўқитувчилари ва ёшлари билан учрашди.

Вазир Самарқанд вилояти қишлоқ хўжалиги тизими учун бўлажак кадрлар тайёрлайдиган таълим муассасаси фаолияти билан танишди ва илмий ютуқларни амалий фаолиятга татбиқ этадиган кадрлар яратиш муҳимлигини таъкидлади. И.Абдураҳмонов талабалар томонидан амалга оширилаётган ҳар бир лойиҳани қўллаб-қувватлашини таъкидлаб, ўқувчиларни фақат синфлардаги дарслар билан чекланиб қолмаслик кераклигини айтди. Вазирнинг сўзларига кўра, билимларни амалда мустаҳкамлаш ҳам зарур.

Шундан сўнг вазирлик раҳбари Жанубий Корея Қишлоқ хўжалиги ва минтақавий ривожланиш вазирлиги билан ҳамкорликда амалга оширилаётган картошкачиликнинг илмий салоҳиятини оширишга қаратилган лойиҳа вакиллари билан учрашди.