Senatning so‘nggi yalpi majlisida «O‘zbekiston Respublikasining Jinoyat-protsessual kodeksiga qo‘shimcha va o‘zgartishlar kiritish to‘g‘risida«gi qonun muhokama etildi. U ozodlikdan mahrum etishga hukm qilingan shaxslarni, shuningdek ruhiy kasalliklarga chalingan va majburiy davolanishga muhtoj shaxslarni topshirish hamda jazoni o‘tash uchun qabul qilish masalalarini tartibga soluvchi me’yorlarni joriy etadi.

Qonunda chet el sudlari qarorlarini tan olish va ijro etish mumkin bo‘lgan shartlar, shuningdek mahkumlarni topshirish tartibi belgilangan. Mahkum shaxslarni jazoni o‘tash yoki davolanishni davom ettirish uchun O‘zbekistonga qabul qilish to‘g‘risidagi murojaatlarni ko‘rib chiqish tartibi aniqlab berildi.

Ushbu qo‘shimchalar O‘zbekistonning xalqaro majburiyatlarini bajarish uchun huquqiy asos yaratadi va mahkumlarning ijtimoiy reabilitatsiyasini tezlashtirishga qaratilgan. Bu ularga o‘z mamlakatida jazoni o‘tash imkoniyatini beradi va fuqarolarning chet eldagi huquqiy himoyasini kuchaytiradi.

Bogdan Burikin, atayin «Karavan-Info» uchun