Тбилисиде грузин оппозициясының мыңдаған жақтастары Руставели даңғылындағы парламент ғимаратының жанындағы митингіге шығып, 26 қазандағы парламенттік сайлау нәтижелеріне наразылықтарын білдірді. Оппозициялық күштер, соның ішінде «Өзгерістер коалициясы», «Біртұтас ұлттық қозғалыс» және «Қүшті Грузия» партиялары Грузин арманы билеуші партиясының жеңісі бұзушылықтармен және Ресейдің ықпалымен қамтамасыз етілді деп мәлімдейді.

Орталық сайлау комиссиясы «Грузин арманын» жеңімпаз деп жариялады, алайда оппозиция мен Грузия Президенті Саломе Зурабишвили нәтижелерді мойындаудан бас тартты. Президент өз мәлімдемесінде бұл сайлау елеулі бұзушылықтармен өткенін атап өтті. ЕҚЫҰ шенеуніктері сайлау халықаралық стандарттарға сәйкес келмейтінін айтып, пара беру, қос дауыс беру, қорқыту және зорлық-зомбылық жағдайларын алға тартты.

Оппозициялық күштер акцияны мерзімсіз деп жариялады және күнделікті наразылық акцияларын өткізуді жоспарлап отыр. Келесі демонстрация бүгін Тбилиси спорт сарайында өтеді.

Фото: Александр Патрин / ТАСС