Тожикистон Миллий Фанлар Академияси президенти Қобилжон Хушвахтзода 1-5 ноябрь кунлари Хитой Халқ Республикасида бўлиб ўтган «Юқори самарали ва илғор технологиялар» халқаро конференциясида иштирок этди.
Қобилжон Хушвахтзода Тожикистон Республикаси Президенти Имомали Раҳмоннинг таълим сиёсатида илм-фан муҳим рол ўйнашини таъкидлади. Давлат раҳбарининг доимий қўллаб-қувватлаши туфайли Тожикистон ва Хитойнинг илмий соҳадаги кўп томонлама ҳамкорлиги сезиларли даражада кенгаймоқда.
Конференциянинг асосий мақсади фан, техника ва саноат ишлаб чиқариши соҳасидаги илмий-тадқиқот ҳамкорлигини мустаҳкамлаш, шунингдек, илмий ютуқлар алмашинуви эди. Таъкидлаш жоизки, 1896 йилда ташкил этилган Хитойнинг энг қадимги университетларидан бири бўлган Сиан Цзяотун университети (XJTU) икки мамлакат олимлари ўртасида мунозаралар ва тажриба алмашиш учун асосий майдонга айланди.
Сурат: Тожикистон Миллий Фанлар Академияси