Қазақстан Республикасы Премьер-Министрінің бірінші орынбасары Роман Скляр инвестициялар тарту жөніндегі кеңестің отырысын өткізді.

Іс-шара барысында «Kazakh Invest» ҰК » АҚ инвесторлар үшін жаңа әдістемелік анықтамалықты таныстырды. Бұл құжат бастамадан бастап жобаны нақты іске асыруға дейінгі толық маршрутты қамтиды. Болашақта барлық мемлекеттік және жергілікті атқарушы органдар оны инвесторлармен өзара іс-қимыл жасау кезінде басшылыққа алатын болады.

«Kazakh Invest» ҰК » АҚ басшысы Ержан Елекеев Қазақстан-Катар жұмыс тобының бірлескен бастамаларын іске асыру туралы да айтты. Барлығы 18 миллиард доллардан астам 15 жоба бар. Қазақстан мен Катар арасындағы тауар айналымы 2023 жылы 50% — ға өсті.

Сондай-ақ, Қазақстан Президентінің тапсырмасы бойынша 17 ірі басым жобалардың тізбесі әзірленді, олардың әрқайсысы ілеспе кәсіпорындардың тұтас кластерін құруға бағытталған. Кеңесте туризм және тамақ өнеркәсібі салаларында іске асыруға жоспарланған жобалар қаралды.

Сондай-ақ, кеңеске қатысушылар бірқатар инвестициялық жобаларды талқылады, олар бойынша хаттамалық шешімдер орындау үшін тиісті мемлекеттік органдарға жіберілді.