Президенттің бастамасымен Қазақстанда жылқы шаруашылығы мен жемшөп өндірісінің жаңа ғылыми-зерттеу институты құрылды. Бұл институттың негізгі мақсаты-отандық жылқы шаруашылығын дамыту, жылқылардың тұқымдық қасиеттерін жақсарту және қазақстандық тұқымдарды әлемдік нарыққа шығару.

Жаңа институт жылқылардың өнімділігін арттыруға, әртүрлі тұқымдар туралы ақпараттық мәліметтер базасын құруға, сондай-ақ білікті мамандар даярлауға бағытталған ғылыми зерттеулер жүргізумен айналысатын болады. Жылқыларға арналған мамандандырылған ветеринариялық клиника құру және жылқы шаруашылығы саласында инновациялық технологияларды енгізу жоспарлануда.

Институттың маңызды міндеттерінің бірі-алдағы бес жылда асыл тұқымды жылқылардың санын 6-7% — ға арттыру. Қостанай, адай, мұғалжар және көшім сияқты отандық тұқымдарға ерекше назар аударылатын болады. Осы мақсаттарға жету үшін институт шетелдік ғылыми орталықтармен және университеттермен белсенді ынтымақтастықты жоспарлап отыр.

Фото: ҚР Ауыл шаруашылығы министрлігі