Өткен аптада есеп беру-сайлау конференциясында Өзбекстан жеңіл атлетика федерациясының жаңа төрағасы болып «Өзбекнефтегаз» компаниясының басшысы Баходир Сидиков сайланды. Бұрын федерацияны басқарған Мехриддин Абдуллаевтың отставкаға кету туралы өтініші қанағаттандырылғаннан кейін Б.Сидиковтың кандидатурасы ұсынылды.

Өз сөзінде жеңіл атлетика федерациясының жаңа басшысы Өзбекстан құрамасын Париж-2024 жазғы Олимпиада ойындарына ойдағыдай дайындау үшін бар күшін салуға уәде берді. Конференцияның барлық қатысушылары бұл таңдауды бірауыздан қолдап, елдегі жеңіл атлетиканы дамыту үшін жаңа басшының мүмкіндіктеріне сенім білдірді. Сондай-ақ ұлттық құраманың алдағы жарыстарға дайындығы талқыланды, ол туралы тиісті есеп ұсынылды.

Фото: Ұлттық Олимпиада комитетінің баспасөз қызметі