Душанбе шаарында 25-майда Бүткүл дүйнөлүк футбол күнүнө арналган фестиваль өтөт. Иш-чараны жогорку деңгээлде уюштуруу үчүн уюштуруу комитетинин отуруму болуп өттү. Бул тууралуу Душанбе шаарынын төрагасынын аппаратынын маалымат бөлүмү билдирди.

Жыйында шаардын төрагасынын биринчи орун басары катышуучуларды Борбордук Азия футбол ассоциациясынын (CAFA) президенти менен Тажикстандын футбол федерациясынын президенти Рустами Эмомалидин Бүткүл дүйнөлүк футбол күнүн өткөрүү боюнча сунушунун кабыл алынышы менен куттуктады. Ал иш-чараны ийгиликтүү өткөрүү үчүн бардык шык-жөндөмдү колдонуу зарылдыгын белгиледи.

Май айынын башында БУУнун Башкы Ассамблеясы Бүткүл дүйнөлүк футбол күнүн жарыялоо боюнча Рустами Эмомали сунуштаган резолюцияны кабыл алган. Бул күн сергек жашоо образын жайылтууга жана футбол аркылуу түрдүү маданияттарды жана элдерди бириктирүүгө эң сонун мүмкүнчүлүк болот.

Бир катар мамлекеттер тарабынан колдоого алынган резолюцияда ири спорттук иш-чараларды тынчтыктын, достуктун жана сабырдуулуктун кырдаалында өткөрүүнүн маанилүүлүгү баса белгиленет. Бүткүл дүйнөлүк футбол күнүн жарыялоо идеясы дүйнөлүк коомчулук тарабынан колдоого алынып, бул спорттун ролун дүйнөлүк деңгээлде даңазалады.