Казакстандын Өкмөтүнүн жыйынында Айыл чарба министри Айдарбек Сапаров өлкөдөгү жазгы талаа иштеринин учурдагы абалы тууралуу айтып берди. Республиканын өкмөтунун басма сөз кызматынын маалыматына караганда, Казакстандын бир катар аймактарында азыртадан эле 1,5 миллион гектар жерге себүү иштери жүрүп жатат. Май айынын экинчи он күндүгүндө массалык түрдө себүү иштери башталат.

Министр быйыл жалпы эгин аянты 23,8 миллион гектарды түзөрүн билдирди. Буудай айдоолору 426 миң гектарга кыскарып, 13,3 миллион гектарга жетет, ал эми май жана тоют өсүмдүктөрүнүн аянты тиешелүүлүгүнө жараша 373 миң жана 66 миң гектарга көбөйөт.

Ошондой эле пахта жана шалы аянтын пландуу кыскартуу менен сууну көп талап кылган айыл чарба өсүмдүктөрүн кыскартуу боюнча иштер жүрүп жатат. Министр белгилегендей, учурда талап кылынган 2,4 млн тонна үрөндүн 99 пайызы толтурулат, калган көлөм «Азык-түлүк корпорациясы» НК» ААКнын резервинен камсыздалат.

Айдарбек Сапаров ошондой эле республиканын көпчүлүк аймактарында нымдуулуктун запасы оптималдуу болуп, 15,8 миллион гектар же 89 пайыз аянтты ээлей турганын айтты. Жер семирткичтерди ташуу канааттандырарлык эмес деп бааланды. Азыр пландагы 1,5 миң тоннанын 453 миң тоннасы гана жөнөтулду. А.Сапаров экспортко чейин ички рынокту жер семирткичтер менен камсыз кылуу жана өндүрүүчүлөргө бөлүп-бөлүп берүү планын иштеп чыгуу өтүнүчүн билдирди.

Премьер-министр Олжас Бектенов да жер семирткичтерди жана дизель майын ташууну тездетүүнүн маанилүүлүгүн белгилеп, жер семирткичтердин жетишсиздиги боюнча дыйкандардын арыздарына көңүл бурду. Бул учун ал өнөр жай министерствосуна жер семирткичтерди чыгарууну көбөйтүү боюнча чараларды көрүүнү тапшырды. Энергетика министри Алмасадам Саткалиев дизелдик отундун кыймылын көзөмөлдөө чаралары түзүлгөнүн билдирди.

Жыйындын жыйынтыгында жеңилдетилген дизель майын ташууну тездетүү жана жазгы талаа иштерин ийгиликтүү аяктоо үчүн дыйкандарды керектүү каражаттар менен камсыздоо иштерин улантуу чечими кабыл алынды.