Қирғизистонда 2024 йилнинг биринчи чорагида саноат ишлаб чиқариш ҳажми 154,7 миллиард сомни ташкил этди, бу 2023 йилнинг шу даврига нисбатан 2,2 фоизга кўпдир. Бу мамлакат Миллий статистика қўмитаси томонидан эълон қилинган маълумотлардан маълум бўлди.

Тақдим этилган маълумотларга кўра, саноат ишлаб чиқаришининг ўсиши қайта ишланган нефть маҳсулотлари (31% га), ёғоч ва қоғоз маҳсулотлари, матбаа (28,7% га), тўқимачилик, кийим-кечак (19,6% га), , фармацевтика маҳсулотлари, озиқ-овқат маҳсулотлари (шу жумладан ичимликлар) ва тамаки маҳсулотлари (18,2% га), шунингдек каучук, пластмасса буюмлар ва қурилиш материаллари (3,6% га) ҳисобига қайд этилган.

Шунга қарамай, асосий металлар ишлаб чиқариш (6,3% га) ва қазиб олиш (4,9% га) камайган. Ушбу кўрсаткичлар ҳозирги вақтда мамлакатдаги турли саноат тармоқлари динамикасидаги хилма-хилликни кўрсатади.