Малайзия Премьер-министрі Анвар Ибрагимнің 15-16 мамырда өткен Қырғызстанға ресми сапары сәтті аяқталды, деп хабарлады Қырғыз Республикасы Президентінің баспасөз қызметі.

Сапардың бірінші күні «Али-Арча» мемлекеттік резиденциясында Қырғызстан Президенті Садыр Жапаров пен Малайзия Премьер-министрі Анвар Ибрагим арасында ресми кездесу өтті. Сапар аясында келіссөздер жүргізілді, онда тараптар екіжақты ынтымақтастықты дамытудың өзекті бағыттары мен перспективаларын, сондай-ақ өзара қызығушылық тудыратын барлық салалардағы ынтымақтастықты тереңдету жөніндегі шараларды талқылады.

Президент Малайзия Премьер-министрінің сапары Қырғызстан мен Малайзия арасындағы ынтымақтастық пен достық тарихына елеулі үлес қосатынына сенім білдірді. Өз кезегінде Анвар Ибрагим екі ел арасындағы ынтымақтастық әлеуетін дамытудың маңыздылығын атап өтті.

Келіссөздер нәтижелері бойынша «Қырғыз Республикасы мен Малайзия арасындағы ынтымақтастықты жан-жақты жандандыру туралы Бірлескен мәлімдемеге» қол қойылды, сондай-ақ екі елдің БАҚ өкілдеріне ресми түрде мәлімдеме ұсынылды.

16 мамырда Президент пен премьер-министр «Али-Арча» табиғи паркіндегі этномәдени бағдарламаға қатысып, Қырғызстан мен Малайзия халықтары арасында пікір алмасуды және достық қарым-қатынасты нығайтуды жалғастырды.

Фото: Қырғыз Республикасы Министрлер Кабинетінің баспасөз қызметі