Өзбекстан Республикасынын Айыл чарба министри Иброхим Абдурахманов “БУУнун Азык-түлүк уюмунун Европалык аймактык конференциясынын 34-сессиясына” катышуу үчүн Римге (Италия) келди.

14-майда өткөн иш-чаранын жүрүшүндө ФАОнун Өзбекстандагы ишмердүүлүгүн мындан ары тездетүү, уюм тарабынан ишке ашырылып жаткан гранттык долбоорлордун санын кеңейтүү, ошондой эле Өзбекстанда конференциянын кезектеги сессиясын уюштуруу маселелери талкууланды.

Ошондой эле Өзбекстан Республикасында өстүрүлгөн айыл чарба продукциясын түрдүү рынокторго экспорттоо, жашылча-жемиштерди сорттоодо заманбап технологияларды колдонуу, ошондой эле билим берүү жана климаттын өзгөрүшүнө каршы күрөшүү жаатында кызматташуу боюнча сүйлөшүүлөр жүрдү.

Конференция эки жылда бир өткөрүлүүчү аймактык форум болуп саналат, анда Европа жана Борбордук Азиядагы ФАО мүчө-өлкөлөрүнүн айыл чарба министрлери жана башка жогорку кызмат адамдары региондун азык-түлүк системаларынын туруктуулугу, климатка туруктуу айыл чарбасы, айыл чарба тармагында санариптештирүү жана инновацияларды алдыга жылдыруу боюнча келишимдерди түзүү мүмкүнчүлүгүн талкуулашат.

Сүрөт: ФАОнун расмий сайты