Қозоғистон Президенти афсонавий совет хоккейчиси В.Третьяк билан учрашув ўтказди. Суҳбат чоғида давлатимиз раҳбари сўнгги йилларда Қозоғистонда хоккей географияси сезиларли даражада кенгайганини таъкидлади. Қозоғистон хоккей жамоалари, шу жумладан Астана «Барыс” клуби КХЛ чемпионатида ва бошқа турнирларда қатнашадилар. Терма жамоа жаҳон чемпионатларида ҳам муваффақиятли натижаларни кўрсатмоқда. Буларнинг барчаси мамлакатда хоккейни оммалаштиришга ижобий таъсир кўрсатмоқда.

Қозоғистонда хоккей мактаблари ва ёшлар жамоалари сони кескин ошди ва турли даражадаги мусобақалар фаол ўтказилмоқда.

Владислав Третьяк ўз навбатида Қозоғистон раҳбарига Астана шаҳрида бўлиб ўтган Qazaqstan Hockey Open 2024 халқаро турнирининг меҳмондўстлиги ва юқори савияда ташкил этилгани учун миннатдорчилик билдирди. Қозоғистон хоккейининг сезиларли тараққиёти давлатнинг жамоавий спортга бўлган эътибори туфайли қайд этилди.

Сурат: Akorda.kz