Ўзбекистон Республикаси Қишлоқ хўжалиги вазири Иброҳим Абдурахмонов «БМТ озиқ-овқат Ташкилотининг Европа минтақавий конференциясининг 34-сессияси» да иштирок этиш учун Римга (Италия) келди.

14 май куни бўлиб ўтган тадбирда Фаонинг Ўзбекистондаги фаолиятини янада жадаллаштириш, ташкилот томонидан амалга оширилаётган грант лойиҳалари сонини кенгайтириш, шунингдек, конференциянинг навбатдаги сессиясини Ўзбекистонда ташкил этиш масалалари муҳокама қилинди.

Шунингдек, Ўзбекистон Республикасида етиштирилган қишлоқ хўжалиги маҳсулотларини турли бозорларга экспорт қилиш, мева-сабзавотларни саралашда замонавий технологиялардан фойдаланиш, шунингдек, таълим ва иқлим ўзгаришига қарши кураш соҳасидаги ҳамкорлик бўйича музокаралар олиб борилди.

Конференция ҳар икки йилда бир марта ўтказиладиган минтақавий форум бўлиб, унда қишлоқ хўжалиги вазирлари ва ФАО га аъзо-мамлакатларнинг Европа ва Марказий Осиёдаги бошқа юқори лавозимли амалдорлари минтақанинг озиқ-овқат тизимларининг барқарорлиги, иқлим барқарор қишлоқ хўжалиги, шунингдек, қишлоқ хўжалиги секторидаги имкониятларни муҳокама қиладилар.

Сурат: ФАО расмий веб-сайти