Май ойи ўрталарида “IТ-Парк Ўзбекистон” мажмуасидаги “Алоқабанк” биносида Ўзбекистоннинг етакчи банклари билан учрашув бўлиб ўтди ва унда компанияларнинг стартап лойиҳалари намойиш этилди.

Тадбирда Президентнинг Иқтисодиёт тармоқларини ривожлантириш, инвестициялар ва ташқи савдо сиёсати бўйича маслаҳатчисининг биринчи ўринбосари Тимур Ишметов ва Рақамли технологиялар вазири Шерзод Шерматов, шунингдек, Ўзбекистоннинг етакчи банклари ва стартап компаниялари вакиллари (Sugurta Bozor, Jett, Mohirdev, Coozin, Ustabor, Depozit.uz — Finq, Beautify, AirCaravan, The Mind, YOTO, KPI, Cradle AI, zypl.ai).

Тақдимот якунида инвестицияларни жалб қилиш ва маҳсулотларни банк тизимларига жорий этиш имкониятлари муҳокама қилинди. Шунингдек, стартаплар ва банклар ўртасида мунтазам учрашувлар ташкил этиш ва келгусида ўзаро манфаатли ҳамкорлик бўйича иш олиб бориш бўйича келишувга эришилди.

Аввалроқ, май ойи бошида етакчи банклар раҳбарлари билан биринчи учрашувда муҳокама иштирокчилари венчур ва стартап экотизимини ривожлантириш бўйича ҳамкорликни йўлга қўйишга ва стартаплар асосчилари билан мунтазам равишда учрашувлар ўтказишга келишиб олдилар.

Сурат: Алоқабанкнинг расмий сайти