“Toshkent metropoliteni” davlat unitar korxonasi ish kunlari davomida yo‘lovchilar sonining sezilarli darajada oshganini qayd etdi.

Korxona ma’lumotlariga ko‘ra, o‘tgan haftadan boshlab (seshanbadan jumagacha) kunlik o‘rtacha qatnovlar soni 985 mingdan 995 minggacha bo‘lgan. Bugun yangi rekord kutilmoqda — yo‘lovchilar oqimi 1 million kishiga yetishi mumkin.

Shu munosabat bilan metro xodimlari barcha yo‘lovchilar uchun qulay va xavfsiz harakatlanishni ta’minlash maqsadida xavfsizlik choralarini kuchaytirdilar hamda qo‘shimcha nazorat ishlarini yo‘lga qo‘ydilar.

Yo‘lovchilar oqimining o‘sishi Toshkentning asosiy transport arteriyasi bo‘lib qolayotgan poytaxt metrosiga bo‘lgan ehtiyojning oshganidan dalolat beradi.