Кыргызстандын Маданият, маалымат, спорт жана жаштар саясаты министрлиги кол өнөрчүлөрдүн реестрин түзүү жана жүргүзүү тартиби жөнүндө жобону бекитүүнү сунуштоодо. Жаңычылдык өлкөнүн кол өнөрчүлөрү тууралуу маалыматтарды, анын ичинде элдик көркөм кол өнөрчүлүккө тиешелүү бардык тармактык реестрлерди системалаштыруу жана уюштуруу максатында иштелип чыккан.

Реестрдин негизин түзгөн тизме Кыргыз Республикасынын Улуттук илимдер академиясынын материалдык эмес маданий мурастар боюнча адистештирилген адистери жана Кыргыз Республикасынын Президенттин администрациясына караштуу «Кыял» элдик көркөм кол өнөрчүлүктүн улуттук бирикмеси» мамлекеттик ишканасынын адистери менен биргеликте түзүлдү.

Жобонун долбоору ишкерди уста деп таануунун критерийлерин жана шарттарын белгилейт. Бул критерийлерге ишмердүүлүктүн түрлөрү, иштеген жумушчулардын саны, өндүрүштүн көлөмү жана башка маанилүү мүнөздөмөлөр кирет, бул Кыргызстандын элдик көркөм чыгармачылык жана кол өнөрчүлүк өндүрүшүнүн чөйрөсүн так жөнгө салууга жана колдоого мүмкүндүк берет.

Сүрөт: АКИpress