O‘zbekiston Prezidenti Shavkat Mirziyoyev 2025-yil 1-yanvardan boshlab mamlakatning soliq tizimida muhim o‘zgarishlar amalga oshirilishini ma’lum qildi.

Yer uchastkalari va davlat mulki qo‘shilgan qiymat solig‘isiz (QQS) sotiladi, mobil aloqa uchun aksiz solig‘i butunlay bekor qilinadi, shahar hududida joylashgan qishloq xo‘jaligi yerlariga yer solig‘ini ikki karra hisoblash amaliyotiga barham beriladi.

Nashriyot korxonalari besh yil muddatga foyda solig‘idan ozod etiladi, IT-parklar rezidentlari uchun barcha turdagi soliqlardan ozod qiluvchi soliq imtiyozlari 2040-yilgacha uzaytiriladi.