Өзбекстанға сапары барысында Қырғызстан Министрлер Кабинетінің төрағасы Ақылбек Жапаров Electricité de France (EDF) Француз энергетикалық компаниясының Еуропа және Орталық Азия елдері бойынша вице-президенті Марк Жирармен және Masdar Әмірліктер компаниясының басшысы Мохамед Жамил Әл Рамахимен кездесті.
Тараптар 2023 жылғы желтоқсанда Дубайда Дүниежүзілік климат саммиті аясында қол қойылған энергетика саласындағы ынтымақтастық туралы үшжақты меморандумды талқылады.
«Министрлер Кабинеті EDF және Masdar — дың Қырғызстанмен ынтымақтасу ниетін құптайды және Қырғыз Республикасында гидроэнергетикаға және жаңартылатын энергия көздері жөніндегі жобаларға инвестиция салуға жәрдемдеседі», — деп атап өтті Ақылбек Жапаров.
Компания өкілдері ынтымақтастықты дамыту үшін Қырғызстанда өкілдіктер ашуға қызығушылық білдіріп, республика аумағында энергетикалық жобаларды іске асыруға дайын екендіктерін атап өтті.