Mazkur tashabbus qishloq xo‘jaligi mahsulotlarini eksport qilish bilan bog‘liq tartib-qoidalarni soddalashtirish va karantin ostidagi mahsulotlarni qayta ishlashda xususiy sektor ishtirokini kuchaytirishga qaratilgan.

Qonun Vazirlar Mahkamasi hamda O‘simliklar karantini va himoyasi agentligining vakolatlarini kengaytirmoqda. Vazirlar Mahkamasi eksport qilinadigan mahsulotlarni fumigatsiya qilish faoliyatini litsenziyalash tartibini belgilash huquqiga ega bo‘ladi. Agentlik esa bunday ishlarni amalga oshirish uchun litsenziyalar berish vakolatiga ega bo‘ladi.

Shuningdek, fumigatsiya va o‘simliklarni himoya qilish vositalari, jumladan mineral o‘g‘itlar savdosini litsenziyalash uchun davlat boji joriy etiladi. Ushbu chora-tadbirlar xususiy kompaniyalarga karantin ostidagi mahsulotlarni zararsizlantirish jarayonlarida faol ishtirok etish imkonini beradi, bu esa samaradorlikni oshiradi va mazkur sohada raqobat uchun sharoit yaratadi.

Qonun fumigatsiya sohasida bozor munosabatlarini rivojlantirish, xizmatlar sifatini yaxshilash va xususiy sektor talabini qondirishga qaratilgan.