O‘zbekistonda bolalarga nisbatan zo‘ravonlikka moyil o‘qituvchilarni aniqlash mexanizmini ishlab chiqish taklif etildi. Bu haqda Bolalar ombudsmani idorasi ma’lum qildi.

Ushbu tadbir hozirda muhokama qilinayotgan 2025-yilga mo‘ljallangan davlat dasturi loyihasiga kiritilgan. Asosiy maqsad ta’lim muassasalarida zo‘ravonlik holatlarining oldini olishdan iborat.

Loyihaga ko‘ra, o‘qituvchilarning ruhiy barqarorligini oshirish, jumladan, ularning stressga chidamliligini rivojlantirishga qaratilgan chora-tadbirlarni joriy etish ko‘zda tutilgan.

Bundan tashqari, Maktabgacha va maktab ta’limi vazirligiga ta’lim jarayonining barcha ishtirokchilarini ruhiy qo‘llab-quvvatlash tizimini takomillashtirish vazifasi yuklatiladi.