Өзбекстан Республикасының Ауыл шаруашылығы министрі Иброхим Абдурахманов «Сибур Холдинг» ААҚ ТМД сауда басқармасының басшысы бастаған делегация өкілдерімен кездесті.

Кездесуде екіжақты ынтымақтастық мәселелері талқыланды.

Атап айтқанда, полимерлі шикізатты қайта өңдеу арқылы Өзбекстанның ауыл шаруашылығында қолданылатын пластик бұйымдарын өндіруді жолға қою бойынша ұсыныстар тыңдалды.

И. Абдурахманов осындай жобалардың арқасында Өзбекстанға полиэтилен өнімдерінің импорты қысқартылып, жергілікті өндірісті дамыту үшін негіз қаланатынын айтты. Сондай-ақ, Министр «Сибур Холдинг» ААҚ өкілдеріне су үнемдеу технологиялары мен жылыжай шаруашылықтарына қажетті өнімдерді өндіру бойынша ұсыныстар ұсынды.

Кездесу барысында «СИБУР Холдинг» ААҚ өкілдері жергілікті мамандарды оқытуға дайын екендіктерін білдірді.

Кездесу соңында И. Абдурахманов Өзбекстанның ауыл шаруашылығы министрлігі өз өкілеттіктері шеңберінде көмек көрсетуге дайын екенін мәлімдеді.

Фото: «Сибур Холдинг»ААҚ ресми сайты