Өткөн аптада Сингапурда расмий сапар менен жүргөн Казакстандын президенти Касым-Жомарт Токаев казак-сингапур бизнес форумуна катышты.

Республиканын Президенти өзүнүн суйлөгөн сөзүндө Казакстандагы экономикалык реформалар Сингапурда жургузулуп жаткан реформаларга окшош экендигин белгиледи.

«Биздин өлкө эркин рынокту өнүктүрүүгө, инновацияларды стимулдаштырууга жана билимге негизделген экономикага өтүүгө багытталган масштабдуу реформаларды баштады. Бул реформалар эң жогорку эл аралык стандарттарга, анын ичинде OECD стандарттарына жооп берет. Мен жакында эле улуттук экономиканы олуттуу либералдаштыруунун негизин тузген маанилуу Указга кол койдум. Казакстан негизги региондук инвестициялык магнит бойдон калуу үчүн, биз 2029-жылга чейин 150 миллиард доллар ТШИ тартууну стратегиялык максат менен жаңы инвестициялык циклди баштайбыз. Биз инвесторлорго ар тараптуу мамлекеттик колдоо көрсөтүүнүн жана чечимдерди ыкчам кабыл алуунун маанилүүлүгүн жакшы түшүнөбүз. Бул үчүн биз стратегиялык инвестициялык долбоорлорду көзөмөлдөгөн жогорку ыйгарым укуктарга ээ болгон Инвестициялык кеңеш түздүк», — деп белгиледи Казакстандын башчысы.

Касым-Жомарт Токаев ошондой эле Казакстан менен Сингапурдун саясат жана экономика жаатындагы тыгыз байланышына токтолду. Ошентип, 2023-жылы эки тараптуу сооданын көлөмү 1,8 миллиард долларды түздү. Сингапурдун Казакстанга инвестициясынын жалпы көлөмү 1,7 миллиард доллардан ашты. Келечекте бул көрсөткүчтөрдү көбөйтүү мүмкүнчүлүгү да бар.

Республиканын Президенти ошондой эле кызматташтыктын бир катар перспективалуу багыттарын белгиледи. Атап айтканда, Казакстанда жаңы комплекстүү мегаполистин шаардык курулушун өнүктүрүү.

«Долбоор «Борбордук Азиянын Сингапуру» катары иштелип чыккан жана алдыңкы эл аралык бизнес-хаб болуу максатын көздөйт. Белгиленген миң чарчы километр аянт атайын экономикалык аймак катары иштелип чыгат. Долбоордун башкы планы сингапурдук Surbana Jurong компаниясы тарабынан иштелип чыкканын канааттануу менен белгилегим келет. Форум аяктагандан кийин мен бардык кызыкдар тараптар менен бул маселени мындан ары да талкуулоого ниеттенип жатам. Мен сингапурдук бизнестин бул келечектүү аракетке жигердүү катышуусуна ишенем», — деди Касым-Жомарт Токаев.

Форумдун жыйынтыгында эң ири казак компаниялары менен Сингапурдун өнөктөштөрүнүн ортосунда 12 коммерциялык документке кол коюлду:

• «Казпочта» АК менен SingPost ортосундагы стратегиялык кызматташтык жөнүндө келишим;
•  «KTZ Express» АКсы менен Global DTC ортосундагы санариптик коридорду ишке киргизүү жөнүндө декларация;
• «НК Казахстан Темир Жолы» АК, PSA KZ Pte Ltd, KPMC Ltd жана G-trans Service ортосунда мындан аркы кызматташуу жөнүндө меморандум.

Мындан тышкары, бизнес форумдун алкагында төмөнкү документтерге кол коюлду:

• Forebright Capital Asia Private Limited, Qazaqstan Investment Corporation АК жана BGI Hong Kong Tech Co., Limited ортосунда Forebright Life Science Technology Фондуна инвестициялык келишим;
• «Бирюк Алтын» ЖШС менен AlDigi Holdings Pte. Ltd.;
• «Казакстандын тышкы соода палатасы» ЖЧКсы менен Сингапур өндүрүш федерациясынын ортосундагы өз ара түшүнүшүү жөнүндө меморандум;
• «Каспий Групп» АКсы менен Кытай Аймактык Өнүктүрүү жана Пландоо Институту Ко., Лимитед ортосундагы өз ара түшүнүшүү жана кызматташтык жөнүндө меморандум;
•  «Каспиан Групп» ААК менен KPMG Samjong Accounting Corp. ортосундагы өз ара түшүнүшүү жөнүндө меморандум;
•  Mandarin building LLP, Singapore International School Kazakhstan LLP жана Kinder World International Group ортосундагы кызматташтык келишими;
• Казакстан Республикасынын Санариптик өнүктүрүү, инновациялар жана аэрокосмостук өнөр жай министрлиги менен Nomadic Innovation Hub ортосундагы өз ара түшүнүшүү жөнүндө меморандум;
• Nomadic Innovation Hub жана Clockster ортосундагы инвестициялык келишим;
• Nomadic Innovation Hub менен Snap hunt рекрутинг платформасынын ортосундагы инвестициялык келишим.

Сүрөт: Казакстан Республикасынын Президентинин расмий сайты