Өзбекстандын энергетика министри Журабек Мирзамахмудов «Өзбекстан 24» телеканалына берген эксклюзивдүү маегинде тарифтер көтөрүлгөндөн кийин электр энергиясын жана газды керектөөдөгү өзгөрүүлөрдү талдоонун жыйынтыгы менен бөлүштү. Маалыматка ылайык, 1-майдан 29-майга чейинки аралыкта электр энергиясын пайдалануу өткөн жылдын ушул мезгилине салыштырмалуу 324 миллион кВт саатка азайган.

Министр белгилегендей, жалпы керектөө азайганына карабастан, калк арасында да, юридикалык жактардын арасында да абоненттердин саны өскөн. Бул электр энергиясын үнөмдүү пайдалануу менен экономикалык жана өнөр жайлык өсүштү көрсөтөт. Мындан тышкары күн жана шамал электр станциялары өткөн жылга салыштырмалуу 700 миллион кВт/саат электр энергиясын көп өндүргөн.

Маанилүү жыйынтык – бул электр энергиясын импорттоонун көлөмүнүн кыскарышы жана жергиликтүү калкты электр энергиясы менен толук камсыз кылуу менен бирге энергияны экспорттоо мүмкүнчүлүгү. Энергияны өндүрүүнүн өсүү тенденциясы газ тармагында да байкалууда, анда керектөө баа көтөрүлгөндөн кийин 29 күндүн ичинде 125 миллион кубометрге кыскарган.

Министр жаңы тарифтерди белгилөөдө чыгымдардын бир бөлүгүн компенсациялоо жана газды импорттоого кеткен чыгымдар эске алынганын баса белгиледи. Журабек Мирзамахмудов ошондой эле, коомдук керектөө нормаларын мындан ары карап чыгуусуз сактап калуу пландары жөнундө айтты.