2025-yil 17-yanvar kuni O‘zbekiston Tashqi ishlar vazirining o‘rinbosari O. Abdullayev Germaniyaning ta’lim va kasbiy rivojlanishga ixtisoslashgan “SBH West GmbH” (“Stiftung Bildung & Handwerk”) tashkiloti vakillari bilan uchrashdi.

Uchrashuv davomida kasb-hunar ta’limi va mehnat migratsiyasi sohasida ikki tomonlama hamkorlikni kuchaytirish bo‘yicha asosiy masalalar muhokama qilindi. O‘zbekiston fuqarolarini Germaniyada yuk mashinalari va avtobuslar haydovchisi sifatida ish bilan ta’minlashga ko‘maklashishga qaratilgan uch tomonlama memorandumni amalga oshirishga alohida e’tibor qaratildi.

Shuningdek, O‘zbekistonning turli hududlarida “SBH West GmbH” o‘quv markazlari filiallarini tashkil etish bo‘yicha kelishuvga erishildi. Ushbu markazlar Germaniya mehnat bozori talablariga mos keladigan o‘quv dasturlarini taklif etadi. Bitiruvchilar Germaniyada muvaffaqiyatli ish topish uchun zarur bo‘lgan ko‘nikma va malakalarga ega bo‘ladilar.