Fevral oyi boshida Parijda dzyudo bo‘yicha bu mavsumning ilk “Katta shlem” turkumidagi musobaqasi boshlanadi. Unda dunyoning 50 ga yaqin mamlakatidan 250 dan ortiq sportchi ishtirok etadi. O‘zbekiston sharafini uch kurashchi himoya qiladi: Bahrom Boturov (-60 kg), Shahram Ahadov (-73 kg) va O‘tkirbek To‘raboyev (+100 kg).

Musobaqa nafaqat yuqori raqobat, balki 2024-yilning eng yaxshi dzyudochilarini taqdirlash marosimi tufayli ham muhim voqeaga aylanishi kutilmoqda. O‘zbekistonning Xalqaro dzyudo federatsiyasi (IJF) ning beshta nominatsiyasida nomzodlar bilan taqdim etilgani mamlakat sportchilarining jahon maydonidagi yuksak yutuqlaridan dalolat beradi.