Женевада Кыргыз Республикасынын Министрлер Кабинетинин Төрагасынын орун басары Эдил Байсалов жетектеген делегациясы Эл аралык миграция уюмунун (МОМ) башкы директору Эми Поп менен жолугушуу өткөрдү.

Тараптар Кыргызстан үчүн миграция чөйрөсүндөгү артыкчылыктарды, анын ичинде жаңжалдан кийинки кырдаалга жана климаттын өзгөрүшүнө байланыштуу глобалдык чакырыктарды жана алардын өлкөгө тийгизген таасирин талкуулашты.

Бул жолугушуунун жыйынтыгында Кыргызстан менен МОМ ортосунда түрдүү долбоорлорду жана программаларды ишке ашыруу аркылуу эмгек мигранттарынын укуктарын коргоо жаатында кызматташууну бекемдөө боюнча макулдашууларга жетишилди. Тараптар ошондой эле президент Садыр Жапаровдун глобалдык климаттын өзгөрүүсүнүн шартында тоолуу аймактарды туруктуу өнүктүрүү боюнча көз карашынын алкагында биргелешип иштөө мүмкүнчүлүгүн изилдөөгө макулдашышты.

Бул кадамдар Кыргызстандын МОМ менен өнөктөштүгүн бекемдеп, эл аралык миграция чөйрөсүндөгү актуалдуу көйгөйлөрдү натыйжалуу чечүүгө жардам берет.

Фото: Официальный сайт Кабинета Министров Кыргызской Республики