Қирғизистон Республикаси Вазирлар Маҳкамаси раисининг ўринбосари Эдил Байсалов бошчилигидаги делегацияси, Миграция халқаро ташкилоти (МХТ) Бош директори Эми Поуп билан Женевада учрашув ўтказди.  

Томонлар Қирғизистон учун миграциянинг устувор йўналишларини, шу жумладан кризис ҳолатлардан кейинги вазиятлар ва иқлим ўзгариши билан боғлиқ глобал муаммоларни ва уларнинг мамлакатга таъсирини муҳокама қилдилар.

Ушбу учрашув натижасида Қирғизистон ва МХТ ўртасида турли лойиҳа ва дастурларни амалга ошириш орқали меҳнат муҳожирларининг ҳуқуқларини ҳимоя қилиш соҳасидаги ҳамкорликни мустаҳкамлаш бўйича келишувларга эришилди. Томонлар, шунингдек, Президент Садир Жапаровнинг глобал иқлим ўзгариши шароитида тоғли ҳудудларни барқарор ривожлантириш бўйича қарашлари доирасида биргаликда ишлаш имкониятларини ўрганишга келишиб олдилар. Ушбу қадамлар Қирғизистоннинг МХТ билан ҳамкорлигини мустаҳкамлайди ва халқаро миграция соҳасидаги долзарб муаммоларни янада самарали ҳал етишга ёрдам беради.  

Сурат: Қирғизистон Республикаси Вазирлар Маҳкамасининг расмий веб-сайти