O‘zbekistonning Shvetsiyadagi elchisi Rahmatulla Nurimbetov ikki tomonlama aloqalarni kengaytirish yo‘llarini muhokama etish maqsadida Shvetsiya tashqi ishlar vaziri Mariya Malmer Stenergard bilan uchrashdi. Muzokaralar davomida har ikki tomon turli sohalarda, xususan iqtisodiyot, ekologiya va madaniyat sohalarida hamkorlikni chuqurlashtirish istagini namoyon etdi.

Savdo-iqtisodiy aloqalarni rivojlantirish istiqbollariga alohida e’tibor qaratildi. Tomonlar tovar ayirboshlash hajmini ko‘paytirish va sarmoyalarni jalb qilish, shuningdek, sanoat va texnologik loyihalarni birgalikda amalga oshirish imkoniyatlarini ko‘rib chiqdi.

“Yashil” iqtisodiyot sohasidagi hamkorlik muhim yo‘nalish sifatida belgilandi. Bunda barqaror rivojlanish va aylanma iqtisodiyotga o‘tishga ko‘maklashuvchi ekologik toza texnologiyalarni joriy etish va tashabbuslarni qo‘llab-quvvatlash masalalari muhokama qilindi.

Innovatsion hamkorlik masalalariga ham alohida to‘xtalib o‘tildi. Ikkala davlat ham qo‘shma loyihalarni rivojlantirish, innovatsion ekotizim yaratish sohasida tajriba almashish va ilmiy-texnik sheriklikni qo‘llab-quvvatlashga intilmoqda.

Madaniy-gumanitar aloqalar, jumladan ta’lim, fan va turizm sohalari ikki tomonlama muloqotning muhim tarkibiy qismi bo‘lib qolmoqda. O‘zbekiston va Shvetsiya ushbu yo‘nalishlarda qo‘shma tashabbuslarni faollashtirish bo‘yicha tayyorligini bildirdi.