20 yoshli futbolchi Abduqodir Husanov rasman Angliyaning “Manchester Siti” klubi tarkibiga o‘tdi. Avval u Fransiyaning “Lans” jamoasida to‘p surgan bo‘lsa, endi u 45-raqam ostida “Siti” sharafini himoya qiladi.

Manbalarga ko‘ra, transfer Angliya klubiga 45 million yevroga tushgan, yana 5 million yevrogacha bonus to‘lovlari ham ko‘zda tutilgan. Husanov Manchester klubi bilan 4,5 yillik shartnoma imzolagan bo‘lib, uni yana bir mavsumga uzaytirish imkoniyati mavjud.

Bu o‘tish o‘zbek futboli uchun tarixiy voqea bo‘ldi, chunki Abduqodir Husanov Angliya Premer-ligasida to‘p suradigan birinchi o‘zbekistonlik futbolchi hisoblanadi.