Нысанды TAV GROUP компаниясы салған және халықаралық стандарттарға сәйкес келеді. Жобаның кредиторлары Еуропалық қайта құру және даму банкі, Халықаралық қаржы корпорациясы және Еуразиялық Даму Банкі болды. Нысанның жалпы ауданы — 53,5 мың шаршы метр, өткізу қабілеті-жылына 14 млн адам.

Жаңа терминалда 50 тіркеу тірегі, шекаралық және кедендік бақылау аймақтары, багаж бөлімшесі, VIP-терминал бар, сондай-ақ жаңа жабдық сатып алынды. Терминал мүмкіндігі шектеулі жандарға толықтай бейімделген.

Жаңа терминал Орталық Азияда Excellence in Design for Greater Efficiencies (EDGE) жасыл сертификаттау жүйесі бойынша салынған бірінші терминал екенін атап өту маңызды.

«Алматы халықаралық әуежайы» АҚ президенті Альп Эр Тунга Ерсой бұл терминал сейсмикалық қауіпсіздік талаптарын ескере отырып тұрғызылғанын және магнитудасы 10 балға дейінгі жер сілкінісіне төтеп бере алатынын атап өтті.

Мемлекет басшысы қала мен жалпы ел туралы алғашқы әсер әуежайдан басталатынын атап өтті.

«Алматы халықаралық әуежайы-еліміздегі ең ірі әуе айлағы. Жыл сайын оңтүстік астанаға туристер ағыны артып келеді, 2023 жылы мегаполиске 2 миллионнан астам турист келді. Екі жыл бұрын менің қатысуыммен құрылыс орнында капсула салу рәсімі өтті, ал ертең Алматы қаласының халықаралық әуежайының жаңа терминалы алғашқы рейстерге қызмет көрсетеді»,-деді Қасым-Жомарт Тоқаев.

Фото: Қазақстан Республикасы Президентінің ресми сайты