Казакстан Республикасынын Президенти Улуттук коопсуздук комитетинин төрагасы Эрмек Сагимбаевди кабыл алды, ал терроризмге жана диний экстремизмге каршы аракеттенүү боюнча департаменттин 2024-жылдын башынан берки ишинин негизги жыйынтыктары жөнүндө отчетун берди, ошондой эле 2023-2025-жылдарга экстремизмге жана терроризмге каршы аракеттенүү тутумун өнүктүрүү боюнча комплекстүү пландын иш-чараларын ишке ашыруунун жүрүшү жөнүндө айтып берди.
Колдо болгон маалыматтарга караганда, 2024-жылы Казакстанда эки теракттын алдын алынган, анын бири чет өлкөдө, чет элдик өнөктөштөрдүн колдоосу менен болгон. Улуттук коопсуздук комитети тарабынан тергелген кылмыш иштеринин негизинде радикалдык диний идеологияны карманган 26 адам террористтик жана экстремисттик ишмердүүлүк үчүн соттолгон. Дагы 22 адамга карата сотко чейинки тергөө амалдары жүрүп жатат.
Ошондой эле 139 чет элдик жарандын Казакстанга мыйзамсыз кирүүсүнө бөгөт коюлуп, 280ден ашуун чет элдик жарандар экстремисттик көз караштары менен депортацияланган. Тыюу салынган диний адабияттарды өлкөгө мыйзамсыз алып кирүү аракетинин 190дон ашууну токтотулуп, бул кылмыш үчүн 19 чет өлкөлүк жаран жоопко тартылган. Мындан тышкары Улуттук коопсуздук комитетинин башчысынын отчетунда 237 ок атуучу курал, 27 жардыргыч түзүлүш, 4500дөн ашык ок-дарылар жана башка террордук каражаттар алынганы айтылат.
Э.Сагимбаевдин айтымында, 2024-жылдын башынан бери республикада 340тан ашык антитеррордук машыгуулар уюштурулуп, мамлекеттик жана башка объектилерде 3400гө жакын текшерүүлөр жүргүзүлгөн.
Сүрөт: Казакстан Республикасынын Президентинин расмий сайты