ANORBANK va Mastercard xalqaro to‘lov tizimi besh yillik strategik hamkorlik boshlanganini e’lon qildi. Hamkorlikning asosiy yo‘nalishi mijozlar uchun to‘lovlarni soddalashtirish va xavfsizligini oshirishga qaratilgan innovatsion yechimlarni ishlab chiqish hamda joriy etishdan iborat bo‘ladi.

Ushbu ittifoq tufayli ANORBANK Mastercard karta egalari yanada ko‘proq imtiyozlar va bonus dasturlaridan foydalanish imkoniyatiga ega bo‘ladilar. Bank yangi xizmatlarni taklif etish va mavjud sharoitlarni takomillashtirish orqali o‘z mijozlari imkoniyatlarini sezilarli darajada kengaytirishni mo‘ljallamoqda.