Rossiya va O‘zbekiston mudofaa vazirlari Andrey Belousov va Shuhrat Xolmuhаmedov “G‘alaba bog‘i” yodgorlik majmuasidagi “Matonat madhiyasi” monumentiga gulchambar qo‘yish marosimida ishtirok etdilar. Tadbir Rossiya Mudofaa vazirining Toshkentga rasmiy tashrifi doirasida o‘tkazildi.

2020-yil 9-mayda ochilgan “Matonat madhiyasi” monumenti Ulug‘ Vatan urushi yillarida frontda halok bo‘lgan besh o‘g‘lidan ayrilgan o‘zbek ayoli Zulfiya Zokirovaga bag‘ishlangan. Bu yodgorlik urush davrida yaqinlarini yo‘qotgan barcha ayollarning ramziga aylandi.

“G‘alaba bog‘i” majmuasi keng ko‘lamli yodgorlik bo‘lib, uning markazida Shon-sharaf muzeyi joylashgan sun’iy tepalik bor. Muzey ekspozitsiyalari O‘zbekistonning Ikkinchi jahon urushidagi g‘alabaga qo‘shgan qahramonona hissasi haqida so‘zlaydi. Tepalik cho‘qqisida qahramonlar xotirasini abadiylashtiruvchi “Abadiy jasorat” haykaltaroshlik kompozitsiyasi o‘rnatilgan.

Majmuada Sovet Ittifoqi Qahramoni general-mayor Sobir Rahimov haykali alohida ahamiyatga ega. Uning yonida Sovet Ittifoqi Qahramoni unvoniga sazovor bo‘lgan 301 nafar o‘zbekistonlikning nomlari bitilgan yodgorlik lavhasi joylashgan.