Объект TAV GROUP томонидан қурилган ва халқаро стандартларга жавоб беради. Лойиҳанинг кредиторлари Европа тикланиш ва тараққиёт банки, халқаро Молия корпорацияси ва Евроосиё тараққиёт банкидир. Объектнинг умумий майдони 53,5 минг квадрат метрни, йўловчи ташиш қуввати йилига 14 миллион кишини ташкил этади.

Янги терминалда 50 та рўйхатдан ўтиш пештахтаси, чегара ва божхона назорати зоналари, багаж хонаси, VIP-терминал мавжуд ва энг янги жиҳозлар харид қилинган. Терминал ногиронлар учун тўлиқ мослаштирилган.

Таъкидлаш жоизки, янги терминал Марказий Осиёда биринчи бўлиб, юқори самарадорлик Excellence in Design for Greater Efficiencies (EDGE) яшил сертификатлаш тизими асосида қурилган.

“Алматы халқаро аэропорти» АЖ Президенти Алп Эр Тунга Эрсойушбу терминал сейсмик хавфсизлик талабларини ҳисобга олган ҳолда қурилганини ва 10 баллгача бўлган зилзилага бардош бера олишини таъкидлади.

Давлат раҳбари шаҳар ва умуман мамлакат ҳақидаги илк таассурот аэропортдан бошланишини таъкидлади.

“Алматы халқаро аэропорти — мамлакатдаги энг йирик ҳаво портидир. Ҳар йили Жанубий пойтахтга сайёҳлар оқими тобора ортиб бормоқда, 2023 йилда метрополга 2 миллиондан ортиқ сайёҳ ташриф буюрди. Икки йил олдин қурилиш майдончасида менинг иштироким билан капсулани ётқизиш маросими бўлиб ўтди ва эртага Алматы шаҳрининг халқаро аэропорти янги терминали биринчи рейсларга хизмат қилади», — деди Қасим–Жомарт Токаев.

Сурат: Қозоғистон Республикаси Президентининг расмий веб-сайти