Ўтган ҳафта Вазирлар Маҳкамаси раиси — Қирғизистон Республикаси Президенти маъмурияти раҳбари Ақылбек ЖапаровБишкекда бўлиб ўтган Туркий дунё ортопедия ва травматология конгрессида иштирок этди.

Вазирлар Маҳкамаси раҳбари ўз нутқида соғлиқни сақлаш соҳасига давлат томонидан устувор эътибор берилаётганини таъкидлади. Соғлиқни сақлаш тизимининг бюджети 2010 йилда 5 миллиард сомни, 2023 йилда эса 37,2 миллиард сомни ташкил этди. Бу йил 40 миллиард сомга яқин мабла- ажратилиши кутилмоқда.

Биргина ўтган йилнинг ўзида Қирғизистонда 20 та янги шифохона қурилди.

Бундан ташқари, мамлакат тиббиёт ходимларининг иш ҳақини ошириш жараёнида.

«Бугунги кунда кўплаб қийинчиликлар билан бир қаторда кўплаб имкониятлар мавжуд. Тиббиёт доимий ривожланишда, травматология ва ортопедия ҳам бундан мустасно эмас. Билим ва тажриба алмашиш жуда муҳим жиҳатдир. Бир томондан, бу фаннинг ривожланишига, уни олдинга силжитишга ёрдам беради, бошқа томондан, амалиётдаги хатоларни бартараф этади ва янги усул ва технологиялар ёрдамида юксакликка эришишга ёрдам беради. Бундай конгресслар ва форумлар фикр ва тажриба алмашиш учун ажойиб платформадир», — деди А.Жапаров.

Вазирлар Маҳкамаси раиси Қирғизистонда дунёга машҳур 300 дан ортиқ олимларни бирлаштирган ушбу тадбирни ташкил этишда ортопед-травматолог, тиббиёт фанлари доктори, профессор, академик, хизмат кўрсатган шифокор Сабирбек Жумабековнинг қўшган ҳиссасини қайд этди.

Сурат: Қирғизистон Республикаси Вазирлар Маҳкамасининг расмий веб-сайти