Министрлер Кабинетинин Төрагасы, Кыргыз Республикасынын Президентинин Аппаратынын Жетекчиси Акылбек Жапаров өлкөнүн Энергетика министрлигине 33 атайын техниканын ачкычын тапшырды. Бул жабдуулардын комплектине 28 бригадалык автомашина, 3 жургунчулер автомобили жана 2 экскаватор кирет, алардын жалпы баасы 86 миллион сомдон ашык.

Акылбек Жапаров өз сөзүндө мамлекеттик органдарда ийгиликтүү жүргүзүлүп жаткан реформаларды, анын ичинде техникалык жабдууларды жаңылоону баса белгиледи. Калктын жашоо-турмушун камсыздоо үчүн энергетиканын мааниси зор экенин айтып, энергетика тармагында аткарылып жаткан олуттуу иштерге токтолду.

Камбар-Ата ГЭС-1, кичи ГЭСтерди куруу жана мамлекет тарабынан каржыланган Бала-Саруу ГЭСин ишке киргизүү сыяктуу энергетикалык долбоорлорго өзгөчө көңүл бурулду. Ошондой эле күн жана шамал электр станцияларынын курулушу башталды. Акылбек Жапаров Кыргызстандын энергетикалык потенциалына ири эл аралык каржы институттары тарабынан чоң кызыгууну баса белгиледи.

Эксперттер алынган атайын техника энергетиктердин ишмердүүлүгүн кыйла жакшыртып, оңдоп-түзөө иштеринин натыйжалуу жана сапаттуу өтүшүн камсыздай турганын белгилешет. Бул багыттагы иштердин эффективдүүлүгүн жогорулатуу техникалык жоготууларды да азайтып, калкты энергия менен туруктуу камсыздоону камсыздайт.

Сүрөт: Кыргыз Республикасынын Министрлер Кабинетинин расмий сайты