Қазақстан Республикасы Су ресурстары және ирригация министрлігі Су шаруашылығы комитетінің төрағасы Арсен Жақанбаев наурыз айының соңында Қостанай облысындағы Тобыл өзенінің бассейнінде орналасқан бірқатар су қоймаларының жұмысымен танысты.
«Филиалдың негізгі құрылыстарындағы жағдай тұрақты және бақылауда. Негізгі объектілерге тасқын су ағыны ұлғайған жағдайда пайдалану қағидаларына сәйкес реттеу жүргізілетін болады», – деді А. Жақанбаев.
Су ресурстары министрлігінің баспасөз қызметінің ресми мәлімдемесіне сәйкес, су қоймалары бекітілген режимге сәйкес жұмыс істейді және суды штаттық ағызуды жүзеге асырады.
Өткен аптада Қостанай облысындағы «Қазсушар» РМК жергілікті филиалының іс-қимылының арқасында Альбарбогет бөгетінде Көкалат кентінің су басуына жол берілмеді.