Қазақстанның Қытайдағы туризм жылы екі елдің туристік индустриясының өкілдерін жинаған ауқымды рәсіммен және халықаралық форуммен аяқталды. Биылғы іс-шаралар туризм саласындағы ынтымақтастықты едәуір кеңейтуге және тартымды туристік бағыт ретінде Қазақстанның имиджін нығайтуға мүмкіндік берді.

Өткен жылы Қазақстан мен Қытай арасындағы сапарлар саны едәуір өсті: Қытайға келген қазақстандықтардың саны 31% – ға, ал Қытайдан Қазақстанға туристер ағыны 50% — ға өсті. Бұл біздің елдерімізге деген қызығушылықтың артып келе жатқанын және туризм жылы аясында іске асырылған жобалардың тиімділігін көрсетеді.

Жыл бойы Қазақстанның қалалары мен өңірлерінің туризм күндерін, туризмнің әртүрлі түрлеріне арналған тақырыптық апталарды, сондай-ақ халықаралық туристік көрмелерге қатысуды қоса алғанда, көптеген іс-шаралар ұйымдастырылды. Қытайдың ірі медиа корпорациялары Қазақстанның туристік әлеуетін белсенді түрде жария етті, бұл біздің еліміздің танымалдылығын арттыруға ықпал етті.

Форум қорытындысы бойынша қазақстандық және қытайлық туроператорлар арасында B2B-келіссөздер жүргізілді, бұл ынтымақтастықты кеңейтуге және жаңа туристік өнімдерді жасауға мүмкіндік береді.

Фото: ҚР Туризм және спорт министрлігі