Азербайжан менен Беларустун президенттери Илхам Алиев менен Александр Лукашенко тиешелүү документке кол койгондон кийин Минск Баку менен бир тууган шаар байланышын түздү, деп билдирет AzerTaj мамлекеттик агенттиги.

Шаршембиде А.Лукашенко мамлекеттик сапар менен Азербайжанга келди. Президенттердин сүйлөшүүлөрүнөн кийин тогуз документке, анын ичинде 2024-жылдан 2025-жылга чейин туризм тармагында кызматташууну өнүктүрүүнү караган иш-чаралардын планына кол коюлганы белгиленди.