Беларусь Президенти Aлександр Лукашенко Россияга амалий ташриф билан келди. БЕЛТА ахборот агентлиги Беларусь раҳбарининг самолёти Иркутскка қўнганини хабар қилмоқда. Бунгача давлат раҳбари Улан-Баторга давлат ташрифи билан келган.

Мўғулистонда Президент Aлександр Лукашенко тор ва кенгайтирилган форматда расмий музокаралар ўтказди. Учрашув натижасида савдо-иқтисодий соҳадаги ҳамкорликни янада кенгайтириш, Беларусь корхоналаридан Мўғулистон бозорига маҳсулот етказиб беришни кўпайтириш, шунингдек, қишлоқ хўжалигида ҳамкорликни мустаҳкамлаш бўйича келишувларга эришилди.

Айни пайтда Беларусь Президенти Иркутскда амалий ташриф билан бўлиб турипти. Музокаралар чоғида Беларусь ва минтақа ўртасидаги ҳамкорлик масалалари, шунингдек, турли соҳаларда, жумладан, қишлоқ хўжалиги ва саноатда ҳамкорликни ривожлантириш имкониятлари муҳокама қилиниши кутилмоқда.

Сурат: Belta.by