Қозоғистон Республикаси Бош вазирининг ўринбосари – Миллий иқдисодиёт вазири Нурлан Байбазаров ва Ғарбий-Қозоғистон вилояти ҳокими Нариман Турегалиев бизнес вакиллари билан учрашиб, корхоналардаги мавжуд вазият, кўрилган зарарлар ҳақида гапирди ва минтақадаги кенг кўламли тошқинлар муносабати билан саволлар берди.

Ишбилармонлар тошқинларни назорат қилишда ёрдам беришга тайёрлигини таъкидладилар. Ғарбий-Қозоғистон вилоятининг 50 га яқин корхонаси аллақачон тошқинларни назорат қилишда ёрдам бермоқда ва бунинг учун махсус техника ва ишчи кучи ажратган.

Бош вазир ўринбосари тингловчиларга миннатдорчилик билдирди ва давлат, ўз навбатида, бизнесни зарурий тарзда қўллаб-қувватлашини таъкидлади.

«Биз тушунамизки, кўпчилигингиз қийин вазиятга тушиб қоласиз, бу нафақат ишлаб чиқариш жараёнларига, балки хом ашё етказиб бериш, логистика ва сотиш масаласига ҳам тегишли. Зарар учун ҳар бир даъво алоҳида кўриб чиқилади. Бу биринчи навбатда кичик ва ўрта бизнесга тааллуқлидир» — деди Н. Байбазаров.