Дүйнөлүк банктын Аткаруучу директорлор кеңеши Өзбекстанга аялуу топтордун интеграциясы үчүн инновациялык социалдык коргоо тутумун (INSON) ишке ашыруу үчүн 100 миллион доллар кредитти жактырды, деп билдирди банктын басма сөз кызматы. Долбоор кошумча түрдө Дүйнөлүк Банктын Эрте окутуу боюнча өнөктөштүк мульти-донордук трасттык фондунун 2 миллион доллар грантынын эсебинен каржыланат.

Долбоордун негизги максаты — калктын аярлуу катмарына социалдык кызмат көрсөтүү борборлорун түзүү, майыптарды иш менен камсыз кылуу, зордук-зомбулукка кабылган аялдарга жардам көрсөтүү жана башкалар. Бул программанын алкагында, калктын ар кандай аярлуу топтору үчүн сапаттуу социалдык жана реабилитациялык кызматтарга жетүүнү жакшыртуу боюнча масштабдуу процесс башталат.

Республика боюнча социалдык кызматтарды көрсөтүү боюнча 50дөн ашык борборлорду түзүү пландаштырылууда. Ошондой эле жеке провайдерлердин социалдык кызмат көрсөтүүлөрүнүн жөнгө салынуучу рыногу өнүгөт, бул мамлекеттик кызмат көрсөтүүлөргө суроо-талапты кыскартууга жана бул чөйрөдө жеке сектордун өнүгүшүнө түрткү берет.

Мындан тышкары, INSON долбоору жекелештирилген социалдык жардамды өнүктүрүүгө, ден соолугунун мүмкүнчүлүгү чектелген адамдарды кесипкөй ишке орноштурууга, сапаттуу медициналык, психологиялык жана юридикалык жардам көрсөтүүгө өбөлгө түзөт. Ошондой эле өзгөчө кырдаалдарга, анын ичинде климаттын өзгөрүшүнө, айыл жергесиндеги калктын аярлуу катмарына жооп кайтарууга даярданууга басым жасалат.

Бул долбоорду Өзбекстандын президентине караштуу Улуттук социалдык коргоо агенттиги мамлекеттик жана бейөкмөт уюмдар, ошондой эле Өзбекстандын эл аралык өнөктөштөрү менен биргеликте ишке ашырат. Бул демилге аркылуу калктын аярлуу катмарына олуттуу колдоо көрсөтүлөрү күтүлүүдө.