Май ойи бошида Душанбе шаҳрида «Марказий Осиё – ШҲТ нинг ўзаги: тинчлик ва умумий фаровонлик макони» мавзусида конференция бўлиб ўтди.

Тадбир ташкилотчилари — Тожикистон Республикаси Ташқи ишлар вазирлиги, Тожикистон Республикаси Президенти ҳузуридаги Давлат бошқаруви Академияси ва ШҲТ нинг Тожикистондаги Дўстлик ва ҳамкорлик маркази.

Конференция иштирокчиларига Тожикистон Ташқи ишлар вазирининг ўринбосари Содиқ Имоми, ШҲТ Бош котиби Чжан Мин ва Давлат бошқаруви Академияси ректори Даврон Сафарзода қутлов нутқи билан мурожаат қилди.

Шунингдек, Тожикистоннинг ШҲТ ишлари бўйича Миллий координатори вазифасини бажарувчи Аҳмад Саидмуродзода, ШҲТ Бош котиби (2016-2018) Рашид Алимов, ЮНЕСКО Бош директори (2009-2017) Ирина Бокова, шунингдек, ШҲТ га аъзо-давлатлар элчилари, кузатувчилар ва Тожикистондаги мулоқот бўйича ҳамкорлар тақдимот қилдилар.

Тадбир давомида 2000 йил июл ойида Душанбе шаҳрида, Шанхай бешлигининг сўнгги саммитида Шанхай ҳамкорлик ташкилотини яратиш ғояси пайдо бўлганлиги таъкидланди. 2021 йил 16-17 сентябр кунлари Душанбе шаҳрида ШҲТ нинг 20-йиллигини нишонлаш чоғида ташкилотга аъзо-давлатлар раҳбарлари ҳам бир овоздан Марказий Осиё ШҲТ нинг ядроси эканлигига қарор қилишди.

Анжуман давомида Т.Сатторов номидаги Тожикистон Миллий Консерваториясининг «Ўрта Осиёнинг мафтункор тароналари» номли концерт дастури ҳам намойиш этилди.