Евросиё барқарорлаштириш ва ривожланиш жамғармаси (ЕБРЖ) Экологик ва ижтимоий сиёсат лойиҳаларини, шунингдек уни амалга оширишнинг операцион тартибларини ишлаб чиқди. Ушбу ҳужжатлар кўп томонлама Молия институтларининг экологик ва ижтимоий стандартлар бўйича ишчи гуруҳи йиғилишида муҳокама қилинди.

Лойиҳанинг мақсади биологик хилма-хилликни сақлаш, атроф-муҳит ифлосланишининг олдини олиш, ресурслардан самарали фойдаланиш, аҳоли саломатлиги ва хавфсизлигини ҳимоя қилиш, меҳнат хавфсизлигини таъминлаш, шахсий маълумотларни ошкор қилишдан ҳимоя қилиш, маданий меросни сақлаш ва бошқалар.

«ЕБРЖ нинг ишлаб чиқилган Экологик ва ижтимоий сиёсати” энг илғор глобал ёндашувларга мос келади ва лойиҳаларни биргаликда молиялаштиришга ёрдам берадиган бошқа халқаро молиявий ташкилотларнинг экологик ва ижтимоий кафолатлари сиёсати билан уйғунлашади. Шуни таъкидлаш керакки, ҳар йили биз мамлакатларимизда экологик ва ижтимоий соҳалардаги талабларга риоя қилиш зарурлиги тўғрисида тобора ортиб бораётган тушунчани кўрмоқдамиз, бу бизга ҳозирги ва келажак авлодлар манфаатларини ҳурмат қилиш имконини беради», — деди Ольга Соснина, ЕБРЖ нинг стратегик режалаштириш, сиёсат ва стандартлар бўлими бошлиғи .

Ушбу лойиҳа Жаҳон банки, Осиё инфратузилма инвестициялари банки ва халқаро экспертлар томонидан ижобий баҳоланди.

Манилада (Филиппин) бўлиб ўтган ишчи гуруҳ йиғилишида жами 20 дан ортиқ халқаро молия ташкилотлари ва ривожланиш агентликлари вакиллари иштирок этди. Учрашув Осиё тараққиёт банки томонидан ташкил этилди.