5-майда Бохтара шаарында өткөн иш-чара улуттук кол өнөрчүлүктү жандандырууга салым кошуу, улуттук сыймыкты арттыруу максатында уюштурулган. Фестивалдын негизги максаттары болуп жогорку маданиятты даңазалоо, сулуулукту даңазалоо, улуттук кийимдерди даңазалоо, аялдарды жана кыздарды кесиптик билимге тартуу болгон.

Иш-чарада кол өнөрчүлүк искусствосунун мыкты чеберлери аныкталып, алардын эмгектери көрүүчүлөрдүн кызыгуусун жана суктануусун жараткан. Жеңүүчүлөргө Хатлон облусунун мамлекеттик бийлигинин аткаруу органынын дипломдору жана ыраазычылык каттары тапшырылды. Бул баа алардын чеберчилиги жана эмгеги учун татыктуу сыйлык болду.

“Кол өнөрчүлүк алтындан кымбат”фестивалы чеберлердин кайталангыс эмгектерин тартуулоо аянтчасы гана болбостон, аймактагы салттуу кол өнөрчүлүктү сактоого жана жайылтууга салым кошкон маанилүү иш-чарага айланды. Иш-чаранын катышуучулары маданий мурастарды жана улуттук өзгөчөлүктү сактоо үчүн маанилүү болгон тажрыйбасы менен, билими жана илхому менен алмаша алышты.

Сүрөт: НИАТ “Ховар”