Vortexa аналитик компанияси маълумотларига кўра, Эрон нефть экспорти бу йил олти йиллик юқори кўрсаткичга эришган. Financial Times ҳисоботига кўра, 2024 йилнинг дастлабки уч ойида Теҳрон кунига тахминан 1,56 миллион баррел нефть экспорт қилади ва асосан уни Хитойга етказиб беради. Бу 2018 йилдан бери энг юқори кўрсаткичлардир.

Aмерика Қўшма Штатларидаги Rapidan Energy энергия тадқиқот гуруҳи геосиёсий хавф хизмати раҳбари Фернандо Феррейра, эронликлар санкцияларни айланиб ўтиш йўлларини топишганини ва АҚШ Президенти маъмурияти Хитой бозорига эътибор бериши зарур бўлишини таъкидлади. Vortexa компаниясининг катта таҳлилчиси ва санкциялар бўйича мутахассиси Армен Азизяннинг сўзларига кўра, Эрон санкцияларни четлаб ўтиш учун турли усуллардан, шу жумладан кемаларни кузатиш тизими маълумотларини соҳталаштиришда фаол фойдаланмоқда.

Таҳлилчининг сўзларига кўра, Эроннинг нефть ташиш паркида 253 та кема бор, бу ўтган йил давомида 20 фоизга ўсишганини англатади. Ўтган йилдан бери 2 миллион баррелгача нефт ташийдиган супертанкерлар сони ҳам икки баравар кўпайди.