Тожикистон Президенти Имомали Раҳмон Душанбе шаҳрида Иқтисодий Ҳамкорлик Ташкилотига (ИҲТ) аъзо-давлатлар Бош прокурорлари ва делегациялари раҳбарлари билан учрашди. Учрашувда экологик соҳадаги ҳамкорликнинг муҳим масалалари, шунингдек, прокурорларнинг минтақада қонун устуворлиги, хавфсизлик ва барқарорликни таъминлашдаги роли муҳокама қилинди.

Президент иқтисодий ўсиш ва инсон фаровонлигига эришиш учун ИҲТ доирасида тинчлик ва барқарорлик муҳимлигини таъкидлади. Шунингдек, регионнинг улкан иқтисодий салоҳияти, қонунларга риоя этилишини назорат қилиш, давлат ва жамият манфаатларини ҳимоя қилиш бўйича масъулиятли вазифаларни бажаришда прокуратуранинг муҳим роли муҳокама қилинди.

Имомали Раҳмон ИҲТ га аъзо-давлатларда хавфсизлик ва барқарорликни мустаҳкамлашга ҳисса қўшадиган жиноятчиликка қарши кураш соҳасидаги ҳамкорликни янада ривожлантириш бўйича муҳим қарорлар қабул қилинишига умид билдирди. Учрашувда, шунингдек, дунёдаги мураккаб сиёсий вазиятда мамлакатлар, айниқса уларнинг тармоқ органлари ўртасидаги ҳар томонлама ҳамкорликни давом эттириш муҳимлиги таъкидланди.

Сурат: Тожикистон Республикаси Президентининг матбуот хизмати